Nyheter

Eira U.L. har investert i nye bord og stolar. Takka vere god støtte frå Kulturfondet, Utviklingsfondet, Miljøfondet samt Romsdalsbanken, har vi fullfinansiert kostnaden på 135.000,- kroner.  Takk også til leverandøren av bord og stolar, Kontorvarehuset (KVH) for godt samarbeid.

Magne Steinsvoll fortel litt om bakgrunnen for kortfilmen RIVERSO og premiera på ungdomshuset Skogly.

Laurdag 16/9-23 var det filmpremiere på Skogly i Eresfjord, nemleg kortfilmen Riverso. Eresfjordingen Magne Steinsvoll står bak og er både regissør og kameramann.

Den gamle storsalen i 2.etasje i ungdomshuset Skogly var fullsatt av folk som ville sjå. Fole kjekt!

Filmopptaka vart gjort under dei varmaste dagane sommaren 2022 oppi Jælå i Eresfjord.  I skogen der står det eit fråflytta gamalt hus som er perfekt for sjangeren som Magne Steinsvoll er spesialist på, nemleg film med mørk og dyster bakgrunn; skrekkfilm. Med det spesielle lydbildet som Magne er ekspert på, vart det ein kortfilm med skikkeleg trøkk.

Med seg har han Olav Kåre Torjuul, Anette Øverås, Malin Hoem Storholt, Jan Rune Ødegård og Rune Hoel. Pluss ein liten stab som hjelper til med opptak av lyd, sminke, lys og scenografi.

Det vart også vist ein «bakomfilm», som fortel kor mykje arbeid som ligg bak. Om tabbar og om ekstra replikkar som ikkje høyrer med. Olav Kåre er ein av dei som har ein hang til det. Men også det kan bli artig.

Det var Eira U.L som stod som arrangør i samarbeid med Magne Steinsvoll.

Han har også vist kortfilm før i  Skogly. Det var i romjula 2018, ein litt råare skrekkfilm med tittelen Killungard.

Hedr er noen fleire bilder.

30/8-23: Ryddedugnad

Dei par-tre siste åra har det samla seg opp mykje skrot og skrammel. Ikkje minst i storsalen oppe vart det fjerna mykje, blant ann fleire sofagrupper som vi ikkje lenger har bruk for. Gard Wadsten stillte med traktor og stor tilhengar.

Mars-21: Sjå at salen nede er friska opp med maling.

Her kan du lese om Eira U.L. sine første 75 år.

14/4-21 Rikhaldig basarbord med 44 gevinstar

Leiar i Eira U.L., Amanda M. Stornes er veldig godt fornøgd med resultatet av basaren. Det vart selt 1931 lodd og det kom inn tilsaman 19.259,- kroner. Trekninga av dei 44 gevinstane vart gjort 14.april. Vinnarane og kva dei vant kan du laste ned her.

Loddsalget har vore gjennomført digitalt via VIPPS, bankontgoinnbetalingar samt direktesalg av lodd på Coop'n 9-10.april.

Ho takkar alle sponsorar og ikkje minst bygdefolket for den gode oppslutninga rundt basaren  og dermed støtta til Eira Ungdomslag.

Her er noen bilder av restaureringsarbeidet som  vart gjennomført på Skogly hausten 2020.

Skogly ferdig mala og med ny kledning på austveggen.

Under arbeidet i august og september 2020 med skifte av kledning på denne veggen.

Skogly slik det såg ut i 1979

Skogly med Sayonara-bussen , 1981

Frå bygginga av grunnmurane til Skogly i 1928.

Eresfjord 17.mai 2020

Eira Undomslag inviterer heile bygda til alternativ 17.mai-markering.  Vi lager ein bilparade med motoriserte kjøretøy av alle slag, farger og former. Og det blir gratis is til barna!  Det blir også gudsteneste i Sira kyrkje kl. 13.

Last ned plakaten her

Vellukka basar 9.febraur 2014

Eira U.L. takkar for fenomenal god støtte under basaren i Skogly 9/2. Brutto inntekt hamna på 24.000,- kroner.
Gjermunds gode kjøttsuppe gjorde nok sitt til at så mange tok søndagsmiddagen på Skogly.
I tillegg til trekning av gevinstar via åresalg var det trekning av 18 gevinstar gjennom loddslag av bøker som hadde gått rundt på bygda. Og i storsalen oppe var det luftgeværskyting.

Eira U.L. hadde også basar i 2016 og i 2018.

Her er noen bildeglimt fra basaren i 2014.